|
ကိုယ်ကြုံတဲ့ကိုယ့်ဇာတ်ခုံအကြောင်းတွေချည်း မမောနိုင်မပန်းနိုင်အန်ထုတ်ပြနေတော့ ကလစ်တချက်လွန်သွားမှဖတ်မိကြ တဲ့ I T ခေတ်လူစွမ်းကောင်းတွေလဲ ငြီးငွေ့ကောင်းငြီးငွေ့နေရော့လောက်ပါပြီ။ ခြောက်ပေနှတ်ခမ်းဝက ကျော်လွန်လာတဲ့ မောင်ဥာဏ်အတွက်တော့ ရေးဖို့ပြောပြဖို့တွေမကုန်နိုင်ဘဲရှိနေခဲ့တဲ့ မှတ်ကျောက်တခုမို့ ပရိသတ်တို့ငြီးငွေ့လဲ ယတိပြတ် တော့မရတန့်နိုင်သေးဘူးလေ။
မောင်ဥာဏ်တယောက် ဆေးရုံပရဝုဏ်အတွင်းပန်းခြံမှာနာနေရင်းက ဆေးရုံဘက်သို့ပြန်လာခဲ့သည်။ အချိန်အားဖြင့် နံနက် ၈ နာရီ ၀န်းကျင်ခန့်။ ဆေးရုံအဆောက်ဦအ၀င်ပေါက်ရောက်တယ်ဆိုဘဲ ဖဖားမား(မြန်မာဘုန်းကြီး)ဆိုတဲ့အသံကြားရတော့ ပါတယ်။ မောင်ဥာဏ်တွက်ထားတာ လုံးဝမလွဲပါ။ အရေးပေါ်ခန်းတွင်းကဖုန်းလာနေပါပြီ။ ခြေလှမ်းကို အရင်ထက်သွက်ပြီး ဘယ်ညာမကြည့်တော့ဘဲ တန်းစီနေတဲ့လူနာကုတင်တွေကြားက ဖောက်ဝင်သွားလိုက်တယ်။ ဆရာဝန်မလေး လက်ညိုး ညွန်ရာသို့ကြည့်ပြီး ဖုန်းကိုကောက်ကိုင်လိုက်တော့ အမည်မသိလူတယောက်ဆက်လာခြင်းဖြစ်တယ်။ ပြောပြောဆိုဆို နာမည်ကိုမေးလိုက်ရသေး။
ပြဿနာဖြစ်ရာနေရာနှင့်အဝေးဆုံးမှတကယ့်အဝေးဆုံးနေရာကဆက်လာသည်။ မှန်ပါတယ်။ ဦးကော မိတ်ဆွေဒကာရင်း တွေဆက်လာခြင်းဖြစ်သည်။ မောင်ဥာဏ်လဲ ကိုယ့်မျက်စိနဲ့မြင်သလောက်၊ကိုယ်နားလည်ထားသလောက် ဦးကောရဲ့အခြေ နေကိုရှင်းပြလိုက်သည်။ ဒကာ့နာမည်က ကိုထင်လင်းဆိုတာလဲ တဖက်ကမလွတ်တမ်းမှတ်လိုက်ရသေးတယ်။ ဒီနာမည်ကိုပြောလိုက်တာနဲ့ လူနာရှင်ဦးကော အားတက်သရောဖြစ်လာမည်ဆိုတာ မောင်ဥာဏ်စိတ်ကကြိုသိနေသလို ခံစားရတယ်လေ။ ဖြစ်ကြောင်းအစုံလို့မဆိုနိုင်ပေမယ့် တချို့တ၀က်ကိုပြောပြရင်း လိုက်လာရင်တော့ပိုကောင်းမယ်ဆိုတာ ပြန်ပြောလိုက်တယ်။ ၀မ်းသာစရာစကားတခွန်းကြားလိုက်ရတာတော့ ဘန်ကောက်က ကျောင်းသားအဖွဲ့တွေသွားဖို့ ပြင်ဆင်နေပြီဆိုတာပါဘဲ။ လိုရင်းလောက်သိရတာနဲ့ဖုန်းကိုခွက်ခနဲချလိုက်ရင်း ကျေးဇူးတင်ပါတယ်လို့ တာဝန်ကျဆရာမ လေးကို နှတ်ဆက်ထွက်လာခဲ့တယ်။
အခန်းပြင်ရောက်တာနဲ့ မောင်ဥာဏ်အဖော်အိပ်ယာက နိုးလာပါပြီ။ အိပ်ပျော်လားလို့သူ့ကိုမေးလိုက်တော့ မအိပ်ရပါဘူးကွာ ဘေးကုတင်ကလူနာက ဘာဖြစ်တယ်မသိဘူး။ အီးအီးနဲ့ညီးရင်းအန်နေလိုက်တာ ခုထိမရပ်သေးဘူးလို့ သူကပြောတယ်။ မောင်ဥာဏ်လဲတွက်မိပါတယ်။ အကောင်းပကတိလိုလူတယောက်က လူနာကြားမှာစောင့်နေရုံကလွဲပြီး အိပ်ပျော်ဖို့မလွယ် ကူနိုင်ပါ။ ကဲ ကိုယ့်လူရေ ရနောင်းကဒကာလဲဖုန်းဆက်လာတယ်။ အားလုံးတော့အဆက်သွယ်ရသွားပြီလို့ သူ့ကိုပြောပြ လိုက်တယ်။ မောင်ဥာဏ်အဖော်လဲ အတော့်ကိုတက်ကြွသွားပါတယ်။ အိပ်ရေးဝလို့တော့မဖြစ်နိုင်ပါ။ နောက်ကသိသွားပြီ ဆိုတာကြောင့်သာဖြစ်ပါတယ်။
အိပ်တဲ့ကုတင်ကနိုးထလာသူဆိုတော့မျက်နှာသစ်ချင်နေတာအမှန်ပါ။ မျက်နှာသစ်ရအောင်လို့ အဖော်လာညှိနေတယ်။ ဟာ ဆရာကလဲ ကိုယ်ကအိပ်ရသေးဘူးလေ။ အပြင်ပန်းခြံမှာသွားပြီးဆေးလိပ်ဖွာနေတာလို့ ပြောလိုက်ရတယ်။ နှစ်ယောက်သားမျက်နှာသစ်မယ့်အကြောင်းမတ်တပ်ရပ်ပြောဆိုနေရင်း အခန်းတွင်းကဖုန်းဆိုတဲ့အသံကြားလိုက်ရပြန်ပြီ။ မောင်ဥာဏ်လဲကြားတာနဲ့တခါတည်း ဖုန်းလာပြန်ပြီလို့ပါးစပ်ကလစ်ခနဲထွက်ရင်းခပ်သုတ်သုတ်သွားပြီးဖုန်းကိုင်လိုက်တယ်။ စောစောကလိုပါဘဲ၊ ရနောင်းက အကျွမ်းတ၀င်အရှိဆုံးမိတ်ဆွေဒကာမတယောက်ပါ။ စောစောကတယောက်ကဖုန်းနံပါတ် ပေးလို့ဆက်လိုက်တယ်က စကားစသည်။ တကယ်တော့ မောင်ဥာဏ်နဲ့သိသူ တယောက်မျှမပါပါ။ ထုံးစံအတိုင်းမို့လူနာ အခြေနေအရပ်ကိုပြောပြီး ဖုန်းတော့ခဏခဏမဆက်လာဖို့ ကိုယ်ကပြန်ပိတ်ရတော့သည်။ ကောင်တာက သဘောဖောက် သွားခဲ့သော် ကြွေစိရှာကိန်းဆိုက်ခြေရဲ့။ ရှဥ့်လဲလျောက်သာ ပျားလဲစွဲသာဆိုတာလို သဘောထားလိုက်ရသည်။
မိုးကလဲသိသိသာသာလင်းလာပြီဆိုတော့ ဆေးရုံဝန်းကျင်မှာလဲ လူတွေက ပျားပန်းခတ်မျှ ထူထပ်လာပါပြီ။ မောင်ဥာဏ်တို့ နှစ်ယောက်လဲလူများလာလေ ဘုံပျောက်လာလေဘဲပေါ့။ မျက်နှာသစ်မယ့်ဇယားကို ဘယ်အခြေနေရောက်သွားမှန်းမသိ နိုင်တော့။ ဟိုနာရောင်ရောင်၊ဒီနားရောင်ရောင်နဲ့ အိနြေ္ဒကမဲ့လာရော့ပြီ။ အပြင်ဘက်လှမ်းငေးလိုက်၊နစ်မသင်တန်း၊ဆရာဝန် သင်တန်းတက်လာကြတာထင်ပါရဲ့။ အင်းင်္ကျီတိုက်ပုံအဖြူတွေနဲ့ နဖူးပြင်၊ပါးပြင်မှာလဲ ကာလာစုံနဲ့ ပေါလိုက်တဲ့ထိုင်းလှပျိုဖြူ တွေကလဲ ဒုနဲ့ဒေးပေါ့။ မောင်ဥာဏ်တို့နှစ်ယောက်လဲ ဒေါင့်စိအောင်ကိုမကြည့်နိုင်ပါဘူး။ ကိုယ့်ကိုကိုယ်ကို ထိုင်ဖို့နေရာက ရောင်ခြောက်ဆယ်ဖြစ်နေခဲ့တယ်။
စကားတပြောပြောနဲ့ အချိန်တွေဝါးမျိုနေချိန်မှာ အင်္ကျီအဖြူဝတ်ဆရာတယောက်က လှမ်းခေါ်ပြန်သည်။ ဟာ ဖုန်းလာပြီထင်တယ်။ ကိုယ့်လူသွားလိုက်လို့ ပြောရတော့သည်။ သူလဲ အတင်းဘဲ လှည့်ပြီးအခန်းတွင်း သုတ်ခြေတင်လိုက် သည်။ အကြာကြီးတော့မပြောနဲပါ့ဆရာ လို့တော့မှာလိုက်မိသေးတယ်။ မောင်ဥာဏ်ကတော့မသွားနိုင်တော့ပါ။ ခနခန ပြောနေရင် ဆရာဝန်မက ခက်တော့မယ်လေ။ ပြီးတော့ ခေါ်လာသမျှတွေကလဲ လူချင်းမသိသူတွေဆိုတော့ အခြေနေက ဘယ်စကားမျိုးသင့်တော်တယ်၊မတော်ဘူးဆိုတာပါ မောင်ဥာဏ်စဉ်းစားသင့်လာပြီလေ။ အဖော်ဖြစ်သူကိုဘဲ ပြောခိုင်းလိုက်တာ အကောင်းဆုံးလို့တွက်ပြီး မလိုက်သွားတော့။
မောင်ဥာဏ်သူငယ်ချင်းတယောက် မကြာလိုက်ပါ၊ပြုံးစိစိနဲ့ ပြန်ထွက်လာတာကိုတွေ့ရ၏။ အခြေနေဘယ်လိုလဲ၊ဘယ်ကနေ ဆက်လာတာလဲဟုမေးလိုက်သည်။ ရနောင်းက ဆက်လာကြောင်းသူကပြန်ပြောရင်း ဒီဆေးရုံဖုန်းကိုသူတို့ဘယ်လိုသိလဲ၊ ဒကာမတယောက်ကပေးတာလို့ပြောတယ်၊မောင်ဂုဏ ဆက်လာတာဘဲ ဟုပြောပြနေသည်။ ဟုတ်ပါတယ်။ သူအိပ်ယာထဲ သွားပြီးမျက်စိအနားယူနေချိန်က မောင်ဥာဏ်တယောက်အရေးပေါ်ခန်းသို့အကြောင်းမရှိအကြောင်းရှာပြီး ၀င်ထွက်လုပ်နေ ရင်းက ဖုန်းနံပါတ်ရလာတာကို သူမသိလိုက်ပါ။ သူကဘဲဆက်ပြောသေးတယ်၊ဦးကောအခြေနေဗမာပြည်ကိုလှမ်းပြောသင့် မပြောသင့်မေးလာတယ်ကွာ။ ငါလဲ ပြောသာပြောလိုက်လို့ ဆုံးဖြတ်ပေးလိုက်တယ်။ ရွာကလူတွေတော့ စိတ်တွေမီးလောင် နေတော့မယ်။ ဘာဖြစ်လို့လဲဆိုတော့ ရွာကကောင်လေးတယောက်လဲ ဟိုတလောကကားမှောက်ထားတာမကြာသေးဘူး။ အဲဒီသတင်းဓါတ်ခံရှိနေတော့ အခုဦးကောသတင်း၊ဒို့သတင်းကြားရင်တော့ လိုက်လာဖို့စိုင်းပြင်းနေကြမှာသေချာတယ်ဟု သူ့ယူဆချက်ကိုပါပြောနေတော့တယ်။
ဘယ်လိုဘဲဖြစ်ဖြစ် နောက်ပိုင်းကအခြေနေတွေကအားရှိစရာတွေချည်း သူရောကိုယ်ရောကြားလိုက်ရပြီမို့ ညကမျက်နှာ တွေနဲ့စာရင် မစားမအိပ်ဘဲဝလာသလို ကြည်လင်လာကြသည်။သို့သော်ကိုယ်လက်တွေဒဏ်ရာကြားကသက်သာသလို ခံစားရပေမယ့် အချိန်တွေကြာသည်ထက်ကြာလာပြီ ဗိုက်ပြဿနာရှင်းဖို့စလာပါပြီ။ ကိုးနာရီခွဲမှဆွမ်းတကြိမ်ဘဲစားတယ်လို့ စကားမပြောချင်ဇောနဲ့ထိုင်းတယောက်ကိုလိမ့်လိုက်တဲ့ဇာတိကလဲ ပြောက်ကွယ်လာပြီပေါ့။ ဦးကောလဲ ငါးထပ်မြောက်မှာ ရောက်သွားပြီမို့ ဒို့တွေတနေရာကိုအနားယူကြရင်းဗိုက်ဖြည့်ကြမယ်လို့တိုင်ပင်လိုက်ကြသည်။
ခြေလှမ်းပြင်လိုက်ပြီဆိုတာနဲ့အဆင်မပြေတော့ပါ။ နေအုံးမောင်ဥာဏ်တဲ့။ သွားလို့ဖြစ်ပါ့မလား၊မောင်ဥာဏ်လဲ အေးဆေးပါလို့ပြန်ပြောလိုက်ချိန်မှာတော့။ ငါ့အပေါ်သင်္ကန်းမှမပါဘဲနဲ့တဲ့။ မောင်ဥာဏ်လဲအတော်ကိုအံ့အားသင့်သွားရပါ သည်။ သူ့ကိုယ်ကိုလဲ ချက်ချင်းသတိထားကြည့်လိုက်တယ်။ ဟာ ညတည်းကမပါတာလားပေါ့။ အေးလေကွဟာ။ ဒါကြောင့် ညကငါတအားချမ်းနေတာပေါ့တဲ့။ မင်းမသိဘူးပေါ့တဲ့။ ဟုတ်ပါတယ် မောင်ဥာဏ်တကယ်ကိုမသိတာပါ။ သင်္ကန်းမပါမှန်းသာသိရင် ယိုးဒယားတယောက်ဆွမ်းစားချိန်မေးလာတုန်းက ကောင်းကောင်းလက်ခံလိုက်တာပေါ့။ အခု ခက်ပြီ။ သင်္ကန်းမရှိလို့ ညတည်းက ဦးကောအိပ်ကို ခနတိုင်းခနတိုင်း လှည့်ဖွင့်နေတာပေါ့။ ဦးကောအိတ်သည် အတာချီကစ်ခေါ် သော့ဂဏန်းလေးတွေလှည့်ဖွင့်ရသောအိတ်ဖြစ်သည်။ ညတည်းက မောင်ဥာဏ်လဲ ကူပြီးဖွင့်ကြည့်သေး တယ်။ စိတ်ထဲမှာငွေယူဖို့ဖွင့်နေခြင်းဟုသာ ထင်ထားခဲ့သည်။အခုမှအိပ်ဖွင့်တဲ့ဇာတ်လမ်းက သရုပ်ပေါ်ပြီကော။တကယ်တော့ သင်္ကန်းအတွက်ဖြစ်နေသည်။ အိတ်ကားဖွင့်လို့မရပါ။ အိတ်ကိုထားရာတွင် အပေါ်အောက်မှားနေခြင်းကြောင့် ဂဏန်းသည် ၈၄၂ ကနေ ၂၄၈ ဖြစ်နေခြင်းကြောင့်ပင်။လုံးဝဖွင့်မရ။
နှစ်ယောက်သားဆေးရုံဝန်းကျင်မှာ အပြင်ထွက်ရနိုး၊ပန်းခြံတွင်းထိုင်ရနိုး၊အိနြေ္ဒဂဏာမငြိမ်ဖြစ်ရတော့သည်။ နေကြဲကြဲပူ လာလေ ဘ၀ကစုတ်ချာလေဖြစ်နေတော့သည်။ ဖိနပ်ကတော့နှစ်ယောက်သားညတည်းက မပါပါ။ သင်္ကန်းမပါတဲ့ဒဏ်ကို ညတည်းကချမ်းတုန်ချမ်းတုန်နဲ့လူးလိမ့်ခံစားရင်းမိုးလင်းလာခဲ့တာ၊နေထွက်ချိန်ရောက်တော့ ဖိနပ်မပါတဲ့လက္ခဏာကပင် ထိုးနှက်လာပါပြီ။ ဆေးရုံဝန်းကျင်မှာလဲ မည်းချိတ်နေတဲ့လမ်းကတ္တရာကတော့ ပူလာရင် ဆရာဝန်သော၊ဘုန်းကြီးသော အရိုသေပေးမည်မဟုတ်။ သဘာဝအတိုင်းပူပေးလိုက်မှာမလွဲပေါ့။
လောကကဓံကိုကြံ့ကြံ့ခံနိုင်ရင်ဘ၀မှာအတော်အသင့်ကိစ္စတွေပြီးမြောက်တယ်လို့ယူဆထားခဲ့ပေမယ့် လောကကဓံထက် ဒါနနဲ့သီလ မပါရင်၊သေခါမှသိမယ်။ ထီးနဲ့ဖိနပ်မပါရင်၊နွေခါမှသိမယ် ဆိုတာက ပိုမှန်နေပြီလို့ပင်ထင်လိုက်တယ်။ တကယ် တော့လောကဓံတစ်ခုပါဘဲ။ ဖိနပ်မပါ၊သင်္ကန်းမပါနဲ့ ဆုံကြလာတဲ့ဒီနေ့အတွက်တော့ မောင်ဥာဏ်တို့နှစ်ယောက် နေ့လည် စာအတွက် ပင်လည်ကြီးခြားပြီထင်ပါရဲ့ဗျာ။ ထိုနေ့ကား မတ်လ ၅ ရက်၊ကြာသာပတေးနေ့။ ၂၀၁၀ ခုနှစ် ပေါ့။
အသက်နဲ့ခန္ဓာ။ အာဟာနဲ့ ဘ၀ တွဲနေသမျှတော့ သံသရာတစ်ခွင်မှာ ဘယ်ရွေ့ဘယ်မျှခရီးနှင်နေရဦးမည်မသိ။ အပူတိုးလို့သာ ယူကြုံးမရဖြစ်နေရဦးမည်ဟု ခေါင်းထဲမှာ အသက်နဲ့ခန္ဓာတွေရဲ့ဒုက္ခကို အမှတ်ရရင်း ဆရာတော်ကြီးတွေ၏ သံဝေဂသတိပေးစကားလေးတွေကို ရေရွတ်နေမိလိုက်တယ်။
အိုခြင်းကိုယ့်မှာရှိနေပါလျက်၊ အိုတာကိုသာ၊ ရှာနေတာ မှန်စွာမသင့်ပြီ။
အိုခြင်းကိုယ့်မှာရှိနေတာကြောင့်၊ အိုခြင်းကင်းရာ၊ ရှာမှသာ မြန်စွာသင့်တော်မည်။
နာခြင်းကိုယ့်မှာရှိနေပါလျက်၊ နာတာကိုသာ၊ ရှာနေတာ မှန်စွာမသင့်ပြီ။
နာခြင်းကိုယ့်မှာရှိနေတာကြောင့်၊ နာခြင်းကင်းရာ၊ ရှာမှသာ မြန်စွာသင့်တော်မည်။
သေခြင်းကိုယ့်မှာရှိနေပါလျက်၊ သေတာကိုသာ၊ ရှာနေတာ မှန်စွာမသင့်ပြီ။
သေခြင်းကိုယ့်မှာရှိနေတာကြောင့်၊ သေခြင်းကင်းရာ၊ ရှာမှသာ မြန်စွာသင့်တော်မည်။
