မကြာသေးခင်ကာလကပဲ မုဆိုးအဖြစ်ကနေ သားကောင်ဖြစ်သွားရရှာတဲ့သူကတော့ ကီရစ်ကစ္စတန်နိုင်ငံ (Kyrgyzstan) က သမ္မတ ကာမန်ဘက်ခ် ဘာကီယက်ဗ် (Kurmanbek Bakiyev) ပဲဖြစ်ပါတယ်။ 2005-ခုနှစ်ကတည်းက ကီရစ်ကစ္စတန်နိုင်ငံကို သမ္မတအဖြစ်နဲ့ အုပ်ချုပ်လာခဲ့သူဖြစ်ပါတယ်။ အဲဒီအချိန်တုန်းက နိုင်ငံတစ်ဝှန်းလုံးကပြည်သူတွေရဲ့ ထောက်ခံမှုနဲ့ သမ္မတဖြစ်လာခဲ့တာဖြစ်ပေမယ့်လည်း 2007-ခုနှစ် အောက်တိုဘာလမှာ ပြည်သူဆန္ဒခံယူပွဲမှတစ်ဆင့် အတည်ပြုခဲ့တဲ့ နိုင်ငံတော် ဖွဲ့စည်ပုံအခြခံဥပဒေကတော့ အာဏာရှင်စနစ်နဲ့ ၄င်းဝါဒအတွက် ခြေလှမ်းသစ်ဖြစ်တယ်ဆိုပြီး နိုင်ငံရေးအတိုက်အခံများရဲ့ ဝေဖန်စရာဖြစ်လာခဲ့ပါတယ်။

ရာထူးအာဏာကို ရယူထားတာကြာရင် ဖြစ်လေ့ ဖြစ်ထရှိတဲ့ အာဏာအလွဲသုံးစားမှုတို့ လာဘ်စားမှုတို့ ဆွေးမျိုးကောင်းစားရေးအတွက် လုပ်ဆောင်မှုတို့ အထူးသဖြင့် ရယူထားတဲ့ အာဏာကို ရာသက်ပန်ဆုပ်ကိုင်ထားလိုမှု စတာတွေက သမ္မတ ဘာကီယက်ဗ် မှာလည်း ကိန်းအောင်းလို့လာခဲ့ပါတယ်။ အဆိုပါသမ္မတရဲ့ မတရားတဲ့အပြုအမူတွေကြောင့် တိုင်းပြည်တွင်းမှာ မကျေနပ်မှုတွေ ဝေဖန်သံတွေ ကြီးထွားလို့ဖြစ်လာနေချိန်မှာပဲ ကုန်ဈေးနှုန်းအဆမတန်မြင့်တက်မှုတွေ ဖြစ်လာချိန်မှာတော့ တိုင်းသူပြည်သားတို့ရဲ့ မကျေနပ်ချက်တွေက အထွပ်အထိတ်သို့ ရောက်ရှိလာခဲ့ပါတော့တယ်။ တစ်ချိန်တည်းမှာပဲ ပြည်သူအများ လမ်းမပေါ်တက်ပြီး ဆန္ဒပြလာသည်အထိဖြစ်လာခဲ့ပါတယ်။ ဒီလိုနဲ့ ပြီးခဲ့တဲ့ ဧပြီလ ၇-ရက် ဗုဒ္ဓဟူးနေ့မှာတော့ ပြင်းထန်တဲ့ ကန့်ကွက်ဆန္ဒပြမှုတွေ ဖြစ်ပေါ်လာခဲ့ပြီး လက်နက်ကိုင် တပ်ဖွဲ့ဝင်တွေနဲ့ ဆန္ဒပြသူတို့အကြား ထိပ်တိုက်ရင်ဆိုင် တွေ့ကြရာမှ အနည်းဆုံး လူပေါင်း ၇၈ ဦးခန့် သေဆုံးခဲ့ကြရပြီး လူပေါင်း ၁၆၀၀ ကျော်ခန့် ဒဏ်ရာတွေ ရရှိခဲ့ကြပါတယ်။ တစ်ချိန်တည်းမှာပဲ ဆန္ဒပြသူတွေကို ထိန်းချုပ်လို့ မရနိုင်တော့မှန်းသိလာတဲ့ သမ္မတ ဘာကီယက်ဗ် တစ်ယောက် သူရဲ့ အသက်အန္တရာယ်အတွက် စိုးရိမ်လာပြီး သမ္မတ ရုံးစိုက်ရာ မြို့တော် ဘီရ်ကစ် (Bishkek) ကနေ တိတ်တစ်ဆိတ် ထွက် ပြေးတိမ်းးရှောင်နေခဲ့ရပါတော့တယ်။

အဲဒီအချိန်မှာပဲ ယခင်နိုင်ငံခြားရေး ၀န်ကြီးဟောင်းလည်းဖြစ် အတိုက်အခံခေါင်းဆောင်လည်းဖြစ်တဲ့ ရိုဇာ အိုတန်ဘာရေးဗာ (Roza Otunbayeva) က ကြားဖြတ်အစိုးရအဖြစ်ကြေငြာခဲ့ပါတယ်။ မြို့တော်ကနေ ထွက်ပြေးတိမ်းရှောင်သွားခဲ့ရတဲ့ သမ္မတက ဘယ်ချောင်ကြားကမှန်းမသိပဲ သူသာလျှင် ပြည်သူတွေကနေ ရွေးကောက်ခံထားရတဲ့ တရားဝင်သမ္မတဖြစ်ကြောင်း လေသံတွေပစ်ပြခဲ့ပါသေးတယ်။ တကယ်တော့ သူဟာ သူရဲ့ မွေးရပ်ဇာတိမြို့ဖြစ်တဲ့ ဂျလာလာဘတ်မြို့က သူရဲ့ ခေတ်မှီအိမ်ကြီးမှာ သူ့လုံခြုံရေး အစောင့်အကြပ်တွေရဲ့ အကူအညီနဲ့ ရောက်ရှိလို့နေခဲ့တာပါ။

သမ္မတရာထူးကနေ ဖြုတ်ချခံလိုက်ရတဲ့ ဘာကီယက်ဗ်ဟာ သူသာလျှင် ပြည်သူတွေကနေ ရွေးကောက်ခံထားရတဲ့ တရားဝင်သမ္မတဖြစ်ကြောင်းထပ်ခါတလဲလဲ ပြောနေခဲ့ပေမယ့်လည်း တကယ်လို့ သူသာ သူ့ရဲ့ယခင်ရုံးစိုက်ရာမြို့တော်ကို ပြန်သွားခဲ့ရင် အသတ်ခံရနိုင်ကြောင်း အဲဒီအတွက် သူကြောက်ရွံ့ကြောင်း ပြောခဲ့ပါတယ်။ နောက်တစ်နေ့ ဂျလာလာဘတ်မြို့က သူရဲ့ မွေးရပ်မြေဖြစ်တဲ့ Teyit ရွာမှာလုပ်ခဲ့တဲ့ သတင်းစာရှင်းလင်းပွဲမှာတော့ လက်ရှိကြားဖြတ်အစိုးရအနေနဲ့ သူနဲ့ သူမိသားစု သူ့ဆွေမျိုးတွေရဲ့ အသက်လုံခြုံေ၇းကို တာဝန်ယူ၇င် သူ့အနေနဲ့ လက်ရှိသမ္မတရာထူးကနေ နှုတ်ထွက်ပေးမှာဖြစ်ကြောင်း ပြောဆိုလာပါတယ်။

တစ်ချိန်က လူပုံအလည်မှာ ၀င့်ကြွားစွာနေခဲ့ပြီး စစ်တပ်နဲ့ လုံခြုံရေးတပ်တွေကို အမိန့်အာဏာတွေ အမျိုးမျိုးပေးကာ လူထုကို အုပ်ချုပ်လာနိုင်ခဲ့တဲ့ ဘာကီယက်ဗ် တစ်ယောက် အခုတော့ သူရဲ့လုံခြုံရေးနဲ့ အသက်အန္တရာယ်အတွက် ထိပ်လန့်ကြောက်ရွံ့လို့နေ၇ရှာပါပြီ။

ဒီနေရာမှာ သမ္မတဘာကီယက်ဗ် သူရုံးစိုက်ရာမြို့တော်ကနေ ထွက်မပြေးခင်ကာလများအထိ ဖြစ်ပျက်ခဲ့တဲ့ အခြေအနေတွေကို ပြန်ကြည့်လိုက်ပါက ယနေ့ မြန်မာနိုင်ငံနှင့် မြန်မာပြည်သူတွေ တွေ့ကြုံခံစားနေကြရတဲ့ စားဝတ်နေရေးပြဿနာတွေ အာဏာအလွဲသုံးစားလုပ်ခံရမှုတွေ ထိပ်ပိုင်းအာဏာရှင်ကြီးတွေရဲ့ ဆွေမြိုးကောင်းစားရေးလုပ်ဆောင်နေမှုတွေ စတဲ့ စတဲ့ အချက်တွေအပြင် ၂၀၀၈ ခုနှစ် ပြည်သူ့ဆန္ဒခံယူပွဲဆိုပြီး သူတို့ဖော်ဆောင်ထားတဲ့ ဖွဲ့စည်းပုံအခြေခံဥပဒေတွေကို အတင်းအကြပ် အကောင်အထည်ဖော် လုပ်ဆောင်ခဲ့တာတွေကအစ ထပ်တူဖြစ်နေတာတွေကို တွေ့မြင်နေကြရမှာပါ။

နိဂုံးချုပ်အနေအားဖြင့် တရားမမျှတသူ ကောက်ကျစ်တ်မာသူတွေရဲ့ သွားခဲ့ရာလမ်းကြောင်းတွေဟာ မသာယာ မဖြောင့်ဖြူးခဲ့ကြဘူးဆိုတာ အတိတ်ကဖြစ်ရပ်တွေက သက်သေပြလို့နေပါတယ်။ ကမ္ဘာလောကကြီးအတွင်းက ဖြစ်ပျက်နေတာတွေကို သိရှိ နားလည်သဘောပေါက်ပြီး ပြုပြင်ကြမယ်ဆိုရင် ယနေ့ကမ္ဘာလောကကြီးဟာ အမြဲသာယာလို့နေမှာပါ။ အတိတ်က လုပ်ရပ်အမှားတွေကို ကေင်းအောင်ပြုပြင်သွားရမယ့် သင်္ခန်းစာအဖြစ် မမှတ်ယူ မပြုပြင်ပဲ ဒဏ္ဍာရီတစ်ပုဒ်လို့သာ သဘောထားခဲ့ကြမယ်ဆိုရင်တော့ ကိုယ်ကိုယ်တိုင်လည်း နောင်တစ်ချိန် သူများတွေေ၇းမယ့် ဒဏ္ဍာရီ မှတ်တမ်းတွေထဲမှာ အင်မတန်ပြောင်မြောက်တဲ့ အဓိကဇာတ်ကောင်တစ်ယောက် ဖြစ်လာအုံးမှာကတော့ မလွဲဧကန်အမှန်သာဖြစ်ပါတော့တယ်။

သခင်နွယ်